انقلب كسكسو

الحلقة 10 ..

افكار: فرج عبدالكريم

سيناريو: احمد التهامي

انقلب كسكسو!

الفصل الأول
م1	صالة حوش زناحة/ نهار : تفتح اللقطة على كراسة  بدر فيها 30 /30 وتوقيع تتسع اللقطة فنشاهد زناحة مبتسما فرحا نجاة بقربه تحرك فمها بهزوء لقطة لنجاة هازئة ساخرة: زناحة مستغربا زناحة مستغرب أكثر : زناحة مستغرب وهازيء: نجاة غاضبة : تهدا ملامح نجاة كثيرا : تتوسط العمة زناحة ونجاة اللذين يتمتان بشفاههما  لقطة لزناحة غاضبا  لقطة لنجاة هادئة تماما لقطة لزناحة الغاضب: يظهر بدر و كاريسا عند باب غرفتهما لقطة على زناحة غاضبا: يظهر اعيال العمة في باب المربوعة يخرج  زناحة موبايله يدخل مسرعا لدار النوم مغلقا الباب تقف نجاة مستغربة عند باب المطبخ العمة مستغربة أيضا..  نجاة باستغراب وتساؤل وايضا هزوء :	الراوي الابلة وجعها ضميرها حطت لبدر درجات أعمال الشهر  كاملة زناحة فرحب الدرجات لكن نجاة كانت تستعد لإشعال حرب جديدة على موضوع قديم. نجاة: كان غيرهم اعيالك ما يتعاركوا مع المدرسين والمدرسات ..منك من قعدتك في الحوش لا شغل لا مشغلة غير مولع التلفزيون واتفرج تقدر تقولي من بيسلك الضيء؟؟  زناحة :اذكر اعظام العيد ناض اينوح..  نجاة :هظا اللى فالح فيه الهزو والدوة  ترا دير حاجة تنفع عيالك.  نجاة: عموما ياسيدي الحق موش عليك انا اللي صدقت الناس قالوا ولي تزنيحة خفيفة صدقت ثاريتك بكل ما فيش فايدة فيك و لا في الكلام امعاك ..  العمة( خ. ك ): تعوذوا من الشيطان وصلوا علي نبيكم . زناحة: تو اتشوفي الفايدة؟اللي نديرها هيا يا حنة خشي المطبخ ديرلنا فطور عمتي عدي لعدالتك بدر .. كاريسا . زناحة: طلعوا كتاباتكم واقروا محمود ،حسن ، محمد اللى عندا حاجة ايديرها وهو ساكت مانبيش هرجة في الحوش و مانبيش حد يتحرك علشان بدر و كاريسا يذاكروا حتى انا بنخش الدار و مانيش داير هرجة.. العمة : كنه شنو جد عليه ؟؟ نجاة: ولد خوك ما سكر باب داره الا هو ناوي على شي كاينة كبيرة ؟!

(( CUT)).

م2

دار نوم زناحة/ نهار.  لقطة لموبايل زناحة على الكوميدوينو .. تتسع اللقطة فيظهر زناحة متمددا على السرير مسترخيا .. يفتح باب الدار وتدخل نجاة مسرعة الى الداخل لقطة على زناحة صارما : تتجه نجاة نحو الدولاب تخرج سكرية وتهزها في وجهه  تغادر..  يعود زناحة للتمدد : يعتدل زناحة فجأة ينزل مسرعا من سريره يتجه إلى الباب يفتحه بسرعة  ويخرج .

صوت راديو الموبايل: نشرة الأخبار المحلية ارتفعت اسعار الخضروات في الايام القليلة الماضية . يخف الصوت قليلا.. زناحة :مش قلنا معاش نبي هرجة وحركة كنك يا ولية ؟؟ صوت راديو الموبايل :وقررت الندوة تطبيق قانون استرداد العقارات الخاصة وفي خبر آخر وصلت ميناء بنغازي سفينة شحن تركية .

(( CUT)).

م3

صالة حوش زناحة/ نهار.  زناحة يفتح باب الحوش ويخرج جريا كأنه إعصار الجميع واقفون في وسط الصالة وهم مندهشون  لقطة لنجاة مستغربة :

نجاة : تي مش قال ما نبيش حد يتحرك كنا باتكميا اعيال ازعمة انجن بكل ؟؟

(( CUT)).

م4 تابع م4

شارع زناحة/ نهار . زناحة متجها بسرعة نحوصفة الحيشان المقابلة  فجاة يصطدم  ببلقاسم  بلقاسم ماسك زناحة من ايديه عيال زناحة خرجوا الىالباب ينظرون الى ابيهم اباهم وجهه زناحة مستعجلا : لقطة على بلقاسم غاضبا : زناحة يتنفس مهدئا نفسه:  زناحة يرخي يدي بلقاسم ينطلق بحركة عادية بطيئة الى المنازل المقابلة..  بلقاسم واقفا قليلا بلقاسم يجري خلف زناحة  بدر يلتفت نحو كاريسا : كاريسا هازا كتفيه : بدر يهز بيده كتف أخيه  لقطة زناحة يهدرز مع واحد واحذاهم بلقاسم  تظهر نجاة في الباب:  يلتفت بدر الى نجاة : لقطة لنجاة مستغربة جدا :

بلقاسم: راجي شوي؟؟  زناحة: كنك وراي بزنس صقع بكل حل ... بلقاسم: حتى انا ورايا بزنس سيبته علشان ننهي موضوع عمتك.  زناحة: هظا موضوع ينحل في الشارع في دقيقتين كنك هبل بدر :انت اكثر واحد عارف باتك كنه وين ماشي؟؟  كاريسا : ما قاليش ما نيش عارف وين ماشي؟!  بدر :افطن باتك يهدرز امعا امخلوف عمرها ماصارت.  نجاة : كلموا باتكم يفطر..  بدر :باتي عند امخلوف.  نجاة :كنه باتكم شن خطر عليه عمرا ماقال خير لمخلوف شنو جد اليوم ؟؟

(( CUT)).

م5 تابع م5

عند حوش امخلوف /نهار:  لقطة لمخلوف يضحك هازئا: لقطة لبلقاسم يلتفت غاضبا : يغادرهما بلقاسم إلى داخل لعمارة التي فيها شقة مخلوف:  زناحة بعدم اهتمام ظاهر: يلتفت زناحة بنظرات مؤكدة نحو امخلوف : تختفي الابتسامة بسرعة في وجهه امخلوف  امخلوف يمسك زناحة من يده زناحة متفاجئا : تتسع ابتسامة امخلوف يندفع زناحة نحو السيارة امخلوف يتجه الى الباب الاخر:  يركب زناحة تنطلق السيارة تتابعها نجاة والعيال باستغراب  تقف السيارة فجاءة تتراجع للوراء بسرعة  يخرج زناحة راسه من زجاج السيارة زناحة غاضبا يشير الى جهة مقابلة لا نراها.  نجاة مرتبكة متفاجئة :

امخلوف: امتى حلمت بيه الخبر هظا كله يردونا العمارات والمصانع والقوراجات نحنا  كنا نملكوا الشارع هظا كله؟؟  بلقاسم: امسيب حوش عمتك اللي بيطربق على راسها وراس اعيالها وشاقي بحيشان الناس نلقانك مضحكة ؟؟ زناحة :حل ياعمو بالجو حل . زناحة :انا سمعت القرار بوذني هظي في الراديو قالوا قرار رد الممتلكات العقارية الخاصة شنو؟معناها حواشين قواريج عمارات مش معقولة تطلع ببشكليطات .. مخلوف: هيا يا زناحة انا معاش نطلقك بكل انحطك معايا في السيارة دوم.  زناحة : شن قالوك لعبة تهز في راسها عالطبلون انا .. امخلوف: مش هكي قصدي انت وجهك وجه خير عليا هيا سقد اركب في حاجة لازم تو تندار..  زناحة : نجاة خشي جوا تي خشي ما تشوفيش في اللي غادي .. نجاة : كنك شنو في غادي ؟؟

(( CUT)).

م6 تابع م6

مربوعة عم امخلوف/ نهار.  لقطة لمخلوف جالس ومن حوله زناحة وشايب انيق : يقف امخلوف  ومعه زناحة  يمسك العم امخلوف من يده بملامح متسائلة : زناحة محرج امخلوف يبتسم .. زناحة متفاجئا جدا :

امخلوف: نحنا مش خاسرين شي يا عمي عبد الله وتي الاوراق اللي عندك وانا نشوف الاوراق اللي عندي وكلم عويل عمامي الاخرين كلهم بيش ما يعطلونيش، بعدين . عبد الله : القصة هذي كلها فهمتها عادي بس الراجل هظا اللي حاطا في جنبك ما فهمتش هظا شنو بالضبط ؟؟ امخلوف: هظا جارنا زناحة راجل خيرة ويحب ايصبي امعا الحق وهو اللي ييدير اول خطوة في موضوعنا بعد ربع ساعة. زناحة:  اي خطوة مش شوري يا عمو انت عليش تحكي بالضبط ؟؟

(( CUT)).

م7 تابع م7

ممر في شقة الجار عمران /نهار بلقاسم واقفا بجانب عمران ويبدان السير نحو باب الشقة : عمران حاير مترددا: يواصلان التقدم نحو باب الشقة..  بلقاسم بنظرات مؤكدة : عمران غاضبا منفعلا:  بلقاسم غاضبا ايضا .. عمران يلتقط اول عصا  ويفتح الباب ويمدها للخارج هاجما .. (( ملاحظة يدمج المشهدان 7 ،8 معا كل لقطة من 7 ورائها لقطة من 8 ))

بلقاسم : اهم جايين مش معقولة بكل عمله ما يديرهاش جار في جاره بكل يا عمران . عمران :شن خطر عليهم بعد السنين هظي كلها يطلعون من شقتي؟  بلقاسم :اهو سمعوا القرار ويستغلوا الفرصة بدري بدري تو حتى كان جاتك الشرطة طلعاتك عادية لكن يضحك عليك راجل زيك زيا واعرة بكل . عمران :والله ماتمشيلهم هك ؟؟

cut

م8

ممر دروج عمارة مخلوف/ نهار . امخلوف ماسك زناحة من يده:  زناحة مترددا  هما يوصلان الصعود: امخلوف هازئا:  ابتسم زناحة و اقتنع : باب شقة امامهما ويبدو التردد والارتباك على وجه مخلوف: زناحة مبتسما يمد يده ليرن الجرس وقبل ان يفعل يفتح باب الشقة وتخرج حبلة  باتجاههما زناحة  يتراجع متفاجئا جدا

امخلوف: عادية بكل كلمتين تقولهن كلام حق مش كلام وخلاص كان الله يبقى الله . زناحة:  بس الراجل يزعل عمران جارنا من زمان..  امخلوف :هظا قانون قوله وانا صاحب حق يطلع من الشقة ونحنا متفاهمين خير ما تجيه الشرطة والشهدرة..  زناحة: لا كلام الحق ما يزعل حد بسر مرات عمران يبي خلوالرجل اللي دفعه في الشقة ؟؟ امخلوف :مش مشكلة نديروا حل .

(( CUT)).

م9 تابع م9

الشارع / نهار.  تفتح اللقطة على ناس بحبالي و عصي وصخور في وسطهم عمران والى جانبه ابنائه قدام العمارة معهم بلقاسم .. في الجهة الاخرى كاريسا وبدر  يمسكون حبالي وصخور ومعهم ناس اخرين   على مادة قريبة تجمع من الناس.  يتفرجون على الطرفين باستمتاع  في المنتصف يوجد اربعة او خمس اشخاص يتحدثون  مع بعضهم و يشكلون حاجزا بين الطرفين  لقطة لزناحة خارجا من باب بيته وفي يده سيف يجري زناحة يفلت يده من يد شايب  المتفرجون وقفوا متحمسين  عيال زناحة لحقوا به  بدر وكار يسا يرمون الصخورالثقيلة تجاه عمران  و جماعته جماعة عمران فورا تراجعوا تحصنوا داخل العمارة زناحة بسيفه وعياله واقفين قدام  العمارة بصخورهم   الجمهورينتظر ويترقب متحمسا يجلسون من الملل  عيال عمران يهجمون فجاءة  بالصخور  يتراجع زناحة وعياله زناحة  يتعثر فيقع منه  سيفه عمران بحبلته  هاجما نحو زناحة : الجمهور يقف فرحا الجمهور يتقدم لمنتنصف الشارع في غاية الحماس نظرات فرح وحماس واهتمام في اعين المراهقين:  تقدم عمران يريد ضرب زناحة بالعصا   زناحة يبحث عن الصخور الكبيرة و عمران يتقدم نحوه  ارتفعت العصا عاليا  و نزلت نحو زناحة امسكتها يد قبل ان تصل اليه .. عمران متفاجئا مستنكرا

الرواي :وزي ما صار مع عمران صار مع غيره ..وقعد عمك زناحة في قلع وارمي مع نص سكان الشارع والنص الآخر يتفرج وفي وحدة من العرايك العقال قدروا يفكوا الطرفين ربع ساعة استراحة بين الشوطين زناحة :حول يا سعيد اللى يجي في طريقي منهم انقصله راسه.  زناحة :اللى راجل فيكم يطلعلي؟؟ عمران: تو انوريك منو اللى راجل يا زناحة؟؟  اصوات الجمهور :رافع بوراس رافع بوراس تكت.. كبرت العركة ..حي على امك يا زناحة حي على امك يا عمران..

(( CUT))

نهاية الفصل الاول .

يمكن اضافة لقطة سريعة لنجاة تجري من المطبخ للباب جزعة.

الفصل الثاني.
م10 تابع م10	الشارع / نهار.  لقطة لمراهق من الشارع يشير باصبعه للامام في المنتصف شاب طويل عريض راسه كبير جدا يحمل في يد سيف و في الاخرى سيف زناحة وعصا عمران :  نفس التجمعات السابقة ولكن جالسة كلها هذه المرة لقطة لرافع هازئا محذرا: هز رافع راسه وذهب  دخلت سيارة الى الشارع  وقفت عند باب عمارة امخلوف ينزل منها عبد الله عم امخلوف حاملا اوراقا لاهثا مستعجلا : يتقدم مخلوف اليه: لقطة للعم يضرب الورق بيده : يشير عبد الله بيده الى الامام  تذهب الكاميرا مع اصبعه فنكتشف حوش زناحة  يقف زناحة ومن معه متفاجئين :	المراهق: جاكم  رافع بوراس رافع: انتو مش امتعاين عرايك عليش تكبير الشورخ واحد ما سكلي سيف واحد حبلة نلقى واحد في الشارع هظا ماسك حبله نورية هيا ياديروا عرايك عليها القيمة وفيها دم من اول دقيقة ياكل واحد يقعمز قدام حوشهم اوكي . امخلوف :كنك شنو في ؟؟ عبد الله: فكك منها العمارة جدك  وباتك واخذين فيها تعويض اهو الحوش اللي مازال ما خذينا فيه شيء ونقدروا ناخذوه ..

(( CUT)).

م11

مربوعة حوش شبرلو/ نهار.  بلقاسم ينظر مهدده وهو هاديء الملامح: يهز شبرلو راسه هازئا..  تتسع اللقطة فنشاهد  بلقاسم وامخلوف متفاجئين : يتمالك بلقاسم نفسه مجددا : يضع بلقاسم يده على كتف  مخلوف.  تتسع الابتسامة  الهازئة على وجه شبرلو  ويهز راسه مرتين:  يقف بلقاسم و امخلوف  غاضبان جدا:  يقف شبرلو بملامح  جادة:  ملامح بلقاسم و مخلوف  هازئة مبتسمة :

بلقاسم: انت عمه يا شبرلو انصحه زناحة خليه يطلع من الحوش  بالتفاهم خير من الشرطة والبهدلة . شبرلو :خرف قالك شرطة ؟! بلقاسم: الراجل هظا موسع باله بلقاسم : ويبي حل ومايبيش دوه وجايكم لعندكم بيش  اتطلعوا ولدكم. شبرلو :قالك هي.. هه..  اطلعه!! خرف.. بلقاسم :معناها مادام هظا  كلامكم قول لولدك خوك يمسك ماجاه نحنا  درنا اللي علينا.. شبرلو: تي والله يا معفن انت  وياه نوريكم زناحة ان يقعد  يزر فيكم زي الغنم وانتو تمعوا قالك يطلعه.. تقدر .. اتطلعه يا .. بلقاسم :شن بيدير القانون والشرطة يطلعوه شن يقدر ايدير زناحة؟

(( CUT)).

م12

مكتب الاسكان / نهار..  لقطة لزناحة غاضبا : تتسع اللقطة فيظهر موظف جالس وراء مكتب وهوهاديء وهازيء : تهدا ملامح زناحة قليلا ويبتسم هازئا ايضا : تجمد ابتسامة الموظف  يقف بسرعة غاضبا:  يهز زناحة راسه هزوء :

زناحة: كيف مش شوركم.. شور من امالا  الحوش  وارثة من جتي  يطلع مش ليا توا مش انتم الاسكان.. الموظف : ياسيد قتلك ما جانيش أي شي رسمي واللي حكيته ليا  كله  خصومة شور المحكمة مشوري شندخلني؟؟انا في حوش جدتك .. زناحة: الحق مش عليك الحق علي.. الموظف: افطن لروحك راهو تغلط حتى انا نغلط افطن .. زناحة: شنو تقدر تدير؟؟ اعتبرني غلطت ...

(( CUT)).

م13

الشوكة / نهار : تفتح اللقطة على وجه  شاب جديد في يده شنطة و ارواق..  تتسع اللقطة فنجد زناحة يلتفت نحو جقمة:  جقمة ضاحكا : يبدو المحامي اشرف متحمسا : زناحة مستغربا :

الشاب: عطينا بس مني  نديروا بيهن اجراءات التوكيل و ماعليك..  زناحة :في محامي في الدنيا يشتغل هكي شنطة في يدا و يصبي في الشوكة.. انت متاكد منا يا جقمة ؟؟ جقمة :طبعا ياهي هظا اشرف ولد خالتي محامي بس ما عندش مكتب هظا عليش تسعيرته رخيصة .. اشرف : افطن.. افطلني كيف نقلب الموضوع كله ضد مخلوف وهلا .. زناحة: تقلبه شنو قالولك.. جيبوتي جلد  بوجهين شنو بدير بالضبط ؟؟

                                               (( CUT)).      

م14 تابع م14 تابع م14

ممر الدور الثاني في محكمة /نهار  لقطة لرجل انيق جدا : الى جانبه امخلوف وبلقاسم:  ينظر اليه مخلوف باستغراب شديد : المحامي الانيق مستهملا بيده  وملامحه المحامي يشير الى الدور الاول :  ينظر اليه مخلوف باستغراب:  يمسكه المحامي من يده ويقرب راسه من اذن مخلوف  وزووم ان عليهما وهو يحرك راسه من جهة لاخرى محدقا في الدور الاول:  لقطة لمخلوف : المحامي يستجمعع نفسه  ويواصل النظر الى اسفل ينظر مخلوف باستغراب فجاة يدب الهلع في وجه المحامي وهو يشير باصبعه الى رجل واقف في الدور الاول ومعه ورقة رافعها  بصوابعه: لقطة زووم ان على دخول  زناحة ومحاميه من الباب  ينطلق المحامي يجري وورائه زناحة  في الدور الثاني  كذلك يجري الاثنان امخلوف ومحاميه وينزلان الى حيث الرجل..  الثنائيان متقاربان في الزمن يمد كل يده الى الورقة لكن الرجل يرفعها عاليا ويبعدها  عنهما المحاميان مستغربان .. لقطة لزحمة ناس تمر بينهم.

الانيق :تم الموضوع خلاص طالما انا محاميك اعتبر الموضوع كله سحلب جاري في عز الصقع .. امخلوف : انا خايف مالحلبة بس قصدي انعدوا ناخذوا الحوش والا نراجوا المحكمة والا شنو انديروا بالضبط .  المحامي: اوريقة صغيرة بس  نراجي فيها تحسم الخطوة الجاية..  امخلوف:  اوريقة شنو؟؟  المحامي:ورقة من المكتبة امتاعة المحكمة  حطيت الالف دينار عند السكرتيرة؟؟  امخلوف: مش قتلي الموضوع  تم.. المحامي: ايوه صح بس اكثر زيت احلى زميتة. المحامي: طلعت الوريقة اللى نراجو فيها وهيا سقد روحك زناحة ومحامية انهم كيف خشوا ..

(( CUT)).

م15 تابع م15

المحكمة بجانب المكتبة الدور الأول / نهار.   لقطة زناحة مالا جدا: محامي زناحة يستمهله بيده  لقطة لمحامي مخلوف:  يرفع الرجل يده محركا اصابعه معا علامة طلب المال : يخرج محامي امخلوف ورقة 5 د. ل ويمدها نحوه..  لا يعطيه الرجل الورقة بل يلتفت نحو محامي زناحة..  محامي زناحة يخرج نصف دينار حديد من جيبه ويمدها للرجل..  الرجل يقسم الورقة قسمين ويعطيها لهما يتغير وجه محامي مخلوف ويتلون : محامي زناحة يقفز فرحا : مخلوف خائف جزعا يتلفت نحو محاميه: لقطة لمحامي زناخة مفسرا : مخلوف متفاجيء تماما : محامي زناحة مازال فرحان جدا امخلوف يقترب من زناحة ويحدق فيه بغضب يتقدم محامي زناحة  فيفصل بينهما وبنظرة مهددة للمحامي الاخر: لقطة لمحامي امخلوف بنظرة تهديد امخلوف مستغربا هازئا من محاميه  زناحة مستغربا

زناحة: ورقة شنو هذي الي مشحورني عيها مالصبح ؟قلقتني يابوها. المحامي :مش متفقين تعطينا الوريقة كنك انصفطت؟؟ محامي زناحة : تم الموضوع يا زناحة تم ..  امخلوف: شن صار كنه فرحان هظا؟؟  محامي زناحة : جماعة المكتبة قالوا ما فيش قانون صدر يتعلق بترجيع الاملاك العقارية  بكل.. محامي مخلوف: ما تعتبرش القضية  انتهت  صح الموضوع انقلب طلع كسكسو لكن نحنا دايرين شكوىوالمحكمة بيناتنا امخلوف: انت شكلك تطع راعي في اخر حلقة مش محامي والا طباخ زناحة :  يا ولد خالة جقمة شنو في بالضبط ؟؟

(( CUT)).

نهاية الفصل الثاني .

الفصل الثالث
م16 تابع م 16	صالة حوش زناحة / ليل زناحة  داخلا من عند الباب وورائه المحامي اشرف  زناحة فرح جدا الاثنين في طريقهم الى المربوعة لقطة للمحامي الشاب:  ادخل زناحة المحامي الى المربوعة وظل هو واقفا عند الباب واتجه ليدخل الصالة جاءته عمته تجري وهي خائفة جدا نجاة ورائها لقطة لزناحة مستغربا:  العمة تفتح فمها وتغلقه..  لقطة لنجاة خائفة : زناحة متفاجئا جدا	الراوي: وعزم زناحة المحامي امتاعة على العشاء وكان لجو تقريبا عادي جدا  بس.. المحامي :الخبر اللى انت سمعته في الراديو كان نقاش في ندوة   الندوة قالت ديروا قانون لكن مافيش قانون ترجيع املاك  صدر بكل وخليهم ايديروا شكوى وعليهم الزمان ينادي زناحة: كنك شنو صار؟؟  لا تصدر صوت ..! نجاة :عويل عمتك زناحة: كنهم شنو صارلهم؟!

(( CUT)).

نهاية الحلقة