الحــــــــــــلقة 24: مــــــــــــن يصـــــــــــــنع الغــــــــريبة؟!
افكار : فرج عبدالكريم
سيناريو: احمد التهامي
الفصــــــــــــــل الاول:
| م1 تابع م1 | الشوكة/نهار تفتح اللقطة على جقمة يراقب شيئا ما يجري امامه في وسط الشارع تتسع اللقطة فنشاهد شخص1( زناحة نفسه في م14 ح23) المعجب جدا بغناء يمسك بيد زناحة وهو في غاية التوسل و زناحة يحاول الانصراف شخص1 في غاية الاستجداء زناحة يحاول التخلص من قبضة شخص1جادا شخص1 يفلت يد زناحة يائسا ويبدو متجها للانصراف يحاول شخص1 المغادرة يقبض زناحة على يده بسرعة زناحة مبتسما يفك شخص1 قبضته ويسرع جادا مغادرا: زناحة في غاية الاستجداء جقمة هازئا زناحة يسرع نحو بيته جقمة هازئا زناحة دون ان يلتفت جقمة ضاحكا زناحة متفاجئا جدا | الراوي: في شخص معجب بصوت الاستاذ المطرب لمرة واحدة زناحة ديمة يفجع في زناحة يطلعله من غير توقع بدون مايفطن مرة يجيه علي فطور الصبح وهالمرة وقف زناحة قبل لا يخش الحوش في القايلة وطلب منا طلب مهم شخص1: يارجل قدري جيتي وتصبايتي عليك جماعتي كلهم ايتمنوا يسمعوك لايف تعال غنيلنا حرام اتردني ! زناحة: لا يابوها خلاص تم انا حالف معش نغني في حياتي الفنية حفلات خاصة يا اعياد وطنيه جمهور واجد ياحتفالات الميلود بس! شخص1: خسارة .. مع انا نحنا كنا امخصصين خمسمية اجنيه للمطرب اخسارة زناحة: عادي يابوها نسجلكم شريط والا نحط صوتي على ديسكة وانتو حطو كرسي فاضي حطوا عليه الامبي فور وكايني قاعد لايف امعاكم! وعطوني الخمسمية شخص1: قالولك امهبلة نحنا والا فلوسنا زايدات علينا يالايف يالا! زناحة: غير تعال بس انفهمك يابوها اسمع بس انتفاهموا تعال جقمة: عدا ياعو خلاص انساه جقمة: وين بيها يابوها؟ زناحة: بنعدي للغداء جعان بكل جقمة: من بيدير لك الغدا نجاة سلامتك شالها اويجي بدري زناحة: عليش مافي شي بيني وبينها عليش شالها؟! |
قــــــــــــــــــــــــــــــــــــــــــــــــــــــــــــــــــــطــــــــــــــــــــــــــــــــــــــــــــــــــع
| م2 تابع م2 | صالة حوش زناحة/نهار قصعة فيها مكرونة وسط الصالة زناحة واقفا مبتسما يهمزناحة بالجلوس للقصعة فتتسع اللقطة ويظهر بدر هازئا زناحة مبتسما بدر هازئا كاريسا ضاحكا زناحة يبحث عن شي ما بجانب القصعة متسائلا يمد كاريسا ملعقته لابيه ويقف الى المطبخ بدر جادا زناحة جادا يمد يده لياكل زناحة مشمئزا بدر ضاحكا زناحة غاصا متفاجئا | زناحة: طرشق جقمة قاعدة نجاة اهو الغدا بدر: لا طرشق لا شي امزرع ليل ونهار في الشوكة ويحق في كل حاجة امي مش قاعدة صح زناحة: معنها الغدا دزوه الجيران الكم بدر: لا الغدا درتا انا زناحة: وين الكاشيك الثالث؟ عليش ازعلت واحردت امكم هالمرة؟! بدر: جقمة يحق بس مايفهمش ليش امي مش حردانة ولا زعلانة امي شايلها جدي لعرس بنت عمتها اللي خذاها ولد عمها الطرابلسي زناحة: مادام الموضوع فيه طرابلس معناها اكبر بكل تي هظا شنو شنو حاط فيها المكرونة يابدر؟! بدر: ملقيتش ملح حطيت فيها ملح ليم! |
قـــــــــــــــــــــــــــــــــــــــــــــــــــــــــــــــطــــــــــــــــــــــــــــــــــــــــــــــــــــــــــع
| م3 تابع م3 | قدام خيمة نساء العرس/نهار نجاة تضع موبايلها على اذنها ترفع جانب الخيمة وهي مالة جدا تتسع اللقطة فنجد امامها انويجي ضاحكا هازئا نجاة حائرة انويجي متخابثا ماسكا ظهره متظاهرا بالالم نجاة مدققة في ابيها نجاة متأثرة متعاطفة معه نجاة مصممة مؤكدة انويجي كاسرا عينه متظاهرا بعدم الفهم | نجاة: ياهمي يازناحة مانيش حردانة انا جاية نعاون في بنات عمتي كنك ماتفهمش؟! باهي باهي رد بالك مالعيال وديرلهم مكرونة راهم مايحبوش الشكشوكة باهي انويجي: كان قليتلا حرجانه وخليتيه يجري شوي عليش دزيتلك نا اه شن صار في زفة العروس لطرابلس؟ نجاة: والله حتى انا حائرة خوها اصغير عشر سنوات يضيع قبل يوصلها مافيش الا انت ياباتي انويجي: انا صح اعظامي كلهن كلهن نايضات يبز بزن في و النهار ندب وحدة وحدة والليل يمشي كله كله ونا انراجي في الالم ايخف لكن عادي انشيلها لعند لعند طرابلس هاذك! نجاة: لا للقانك ماتمشي مادامك مريض في غيرك لازم يمشي انويجي: من ازعمه؟! |
قـــــــــــــــــــــــــــــــــــــــــــــــــــــــــــــــطـــــــــــــــــــــــــــــــــــــــــــــــــــــــع
| م4 تابع م4 | الشوكة/نهار تفتح اللقطة على يد تحمل نفس قصعة المكروتة السابقة "م2" لم تمس تتسع اللقطة فيظهر زناحة يقدم القصعة لجقمة مبتسما جقمة ينظر الى القصعة جيدا ثم الى زناحة: زناحة باريحية جقمة هازئا يبرم يده علامة الجنون زناحة متحمسا جقمة شارحا زناحة مستغربا جقمة شارحا جقمة يمد القصعة لزناحة زناحة مستغربا جقمة هازئا يذهب زناحة بالقصعة خطوات ثم يقف متسائلا | زناحة: هاك تغدى داروها العويل ومابوش ياكلوها هاك دق العصبان يابوها جقمة: تي هظي مكرونة امجمدة وين العصبان يابوها زناحة: اول ما تجي نجاة مالعرس انجيبلك العصبان طلعت بنت عمتها واخذة طرابلسي جقمة: طرشق الطرابلسي امالا !ياخذ بنغازية ويسيب الطرابلسيات! زناحة: افطن راك تغلط في ابنيات بنغازي نغلط فيك! جقمة: المشكلة مش في البنات يارايس هلهن هما اللي دايرين جو شين زناحة: شنو دخل هلهن؟! جقمة: عدي اسال حمادي النصاب يقولك الطرابلسيات هلهن يشرو الراجل تعال ب خمسمية مهرخوذ انت و سمعتك البنغازيات هلهن ايكسدوا عالراجل تلقاها ماتعرفش ادير غريبة و يقولولك الف وخمسماية مهر هاك مكرونتك روح بيها تلقاها في الليل! زناحة: ليش ماقلتش كعك لازم اغريبة يعني؟! جقمة: انت اللي ماتفهمش في الصبايا! زناحة: متاكد الطرابلسيات يعرفن ايطيبن الغريبة يارايس؟! |
قـــــــــــــــــــــــــــــــــــــــــــــــــــــــــــــطــــــــــــــــــــــــــــــــــــــــــــــــــــــــــــــع
| م5 تابع م5 | صالة حوش زناحة/نهار نجاة بجلباب وقفطان عاديين (ملابس العمل في العرس )تمشي وتجئ في الصالة حائرة جدا زناحة خارجا من غرفة النوم جاهزا للخروج نجاة تسارع لاقفال طريقه زناحة هازئا نجاة غاضبة جدا زناحة هازئا | الراوي: و ثاني يوم الصبح قبل لا نجاة تعدي للعرس كان في فنان يغني في وسط راسها : ترا في الجو غيم! نجاة: وراس بيك اللي تبيها انديرها انطيبلك شكشوكة بس زف امعايا العروس لطرابلس! زناحة: انا عصبانه ماحصلتش من العرس نمشي لعند طرابلس !انا اصلا ذكرياتي مع الطيارات مش حلوة ديمة اندوخ ويهزبوا في! مطار نو بالانجليزي يوك بالتركي لا بالعربي! نجاة: باهي وانا امنين انجيب راجل يدير بالا عليا؟! زناحة: بسيطة اشري راجل من السوق ! السوق مليان رجالة اكثر مالهم على القلب الحاجة الوحيدة اللي مانقصتش بكل! |
قــــــــــــــــــــــــــــــــــــــــــــــــــــــــــــــــــــطــــــــــــــــــــــــــــــــــــــــــــــــــــــــع
| م6 | صالة حوش زناحة/ليل نجاة باجمل وافخم عباياتها وقفاطينها تقف غاضبة مستنفرة نجاة غاضبة تتسع اللقطة فيظر زناحة جالسا مرتاحا ممسكا ريموت الديجتل تضغط نجاة ازرار تيلفونها بعصبية تلتفت لتذهب نحو الباب وهي تحدق في موبايلها ثم تضعه على اذنها تغلق الموبايل وتذهب الى الباب تقف عنده وتلتفت نحو زناحة تعود متجهة نحو الباب زناحة مصدوما تغادر نجاة البيت زناحة متفاجئا | الراوي: وبعد جت نجاة وغيرت للصالة القت نفس الاغنية في راسها نجاة: شنو ايقولوا عليا الناس وانا في المطار من غير راجل؟ زناحة: عادي بكل ولية امطلقة شنو فيها اما انا حدي قمينس ماعنديش مغامرات خارج بنغازي ياابلة انا نجاة: انا توا مش فاضيتلك ورايا الصالة بنمشيلها نجاة: ا ياعبدالرحمن اني جايية نجاة: اه خطرها العشاء اللي قتلك بنجيبه امعايا مالصالة انساه ما نيش جايبة شي زناحة: تعالي هنا ياولية العشاء شندخله في عركة طرابلس مش شور بعضهن بكل اسمعي راجي يانجاةيا نجاة"خ.ك":خلي جقمة ايديرلك اغريبة اتعشى بيها!! زناحة: حلو عالخلو ماتجيش بكل! |
مــــــــــــــــــــــــــــــــــــــــــــــــــــــــ الى م 7ـــــــــــــــــــــــــــــــــــــــــــــــــــزج
| م7 تابع م 7 | صالة حوش زناحة/صبح زناحة بوجه ناعس جدا تتسع اللقطة فيظهر بدر وكاريسا بملابس المدرسة لقطة لبدر شارحا زناحة مصدوما كاريسا وبدر يهزان راسيهما موافقة زناحة مصدوما اكثر | زناحة: امكم باتت في العرس والا كيف؟! بدر: لا باتت هنا بس من عشر دقائق جاء جدي انويجي بيش ايشيلها للمطار زناحة: يعني انا اخر حفيد لعيث زنح اللي جدودي كلهم ميتين في قتال عندي توا ولية تدهور في المطار بروحها؟! زناحة" يغيط": ياربي ماتوريهم سو هم هذيم اللي ضروها وين شقيت بيهم خانوها! |
قـــــــــــــــــــــــــــــــــــــــــــــــــــــــــــــــــطـــــــــــــــــــــــــــــــــــــــــــــــــــــــع
| م8 | صالة الانتظار الاولى بمطار بنينة/صبح نجاة بجانبها العروس امامها انويجي نجاة بملامح عطف انويجي مبتسما نجاة بخوف يمشون حتى القطع يقف انويجي منذهلا تتسع اللقطة نجد بدر وكاريسا بملابس المدرسة جالسان قرب الة التفتيش تنذهل نجاة نجاة مصدومة | نجاة: رد بالك من روحك ياباتي راك تنسى دواء الظهر والروماتيزم انويجي: قلته المزنح تو ينصفط ويخليك تشحوري في المطارات هظا كيف بيه كيف بلاه نجاة: يستر الله انويجي: هذوما شن جابهم هنا نجاة: باتكم وين؟! زناحة"خ.ك": اهو باتهم |
قـــــــــــــــــــــــــــــــــــــــــــــــــــــــــــــــــــطـــــــــــــــــــــــــــــــــــــــــــع
نـــــــــــــــــــــــــــهـــــــــــــــــــــــــاية الفـــــــــــــــــــــــصـــــــــــــــــــــل الاول.
الفــــــــــــــــــــصــــــــــــــــــــــــل الـــــــــــــــــــثـــــــــــــــــــــــــــــــــــــــاني:
| م9 | مطبخ انويجي/نهار لقطة لوجه انويجي مهتما جدا الموبايل على اذنه انويجي يغلق الموبايل ويهجم بيديه تنزل الكاميرا الى حيث يديه فنكتشف انه يقطع لحم دجاج مشوي ويبدا اكله! | انويجي:لا مادام عدا زناحة امعاك يبقى خلاص اهو محسوب امعاك راجل قدام الناس لا لا انا تو قاعد مهتم بصحتي وناخذ في الدواء بشكل متواصل انويجي: شيل خوذ يازناحة وريني شنو تقدر ادير وكيف تصرف في طرابلس |
قــــــــــــــــــــــــــــــــــــــــــــــــــــــــــــــــــطــــــــــــــــــــــــــــــــــــــــــــــــع
ملاحظة: ممكن لقطة عامة واسعة من فوق لمطار طرابلس العالمي
| م10 تابع م10 | صالة القادمين الداخلية بمطار طرابلس/نهار نجاة تغلق موبايلها معها العروس تتسع اللقطة فنكتشف خلفها زناحة وبدر وكاريسا يمشون جميعا نحو الات التفتيش المعتادة يصلون اليها يدخل الاولاد ثم نجاة وينتظرون مرور زناحة يقف زناحة داخل الالة الالة تضي الاالات الاخرى تضي زناحة مصدوما رجال الامن بملابس مدنية وعسكرية وملابس الخطوط يهرولون نحو الة زناحة نجاة تراقب مذهولة وكذلك اولادها رجل امن بملامح تفهم وابتسام يمد يده نحو زناحة زناحة يمد اوراقه للرجل زناحة متسائلا رجل الامن مبتسما مستمرا في فحص الاوراق فلاش اضاءة سريع يتكرر نكتشف وجود مصور يركز على زناحة بشدة ويكرر التقاط الصور زناحة يرفع يده مشيرا للمصور بالتوقف | الراوي: و خش عمك زناحة لمطار طرابلس لاول مرة صوت صفير الالة رجل الامن: مكانك ياستاذ ماتحركش ارجوك اقعد مكانك معليشي اتحملنا اشوية زناحة: شنو في ياعمو؟ رجل الامن: وسع بالك امعانا شوي زناحة: تي كنك يارايس حايس فيها مش عرس هظا لا عيد الميلود وسع بالك وبطل تصوير |
قــــــــــــــــــــــــــــــــــــــــــــــــــــــــــــــــــــــطـــــــــــــــــــــــــــــــــــــــــــــــع
| م11 تابع م11 | مكتب امن المطار/نهار زناحة جاالسا والى جانبه نجاة والعروس والعيال وعليهم ملامح انتظار وملل يدخل رجل الامن من باب ويمر بهم يقف زناحة بسرعة ولهفة رجل الامن مبتسما زناحة مفتخرا رجل الامن مطمئنا زناحة مستعجلا رجل الامن بارتباك وحيرة زناحة مصدوما | زناحة: ياعمو يابوها شنو في بالضبط؟! رجل الامن: وسع بالك انراجو في رد من بنغازي نبو نعرفوا انت من بالضبط وعليش الالات كلهم عيطوا امعاك؟! زناحة: عليش تسالوا هظي عادية انا الناس ديمة ايعيطوا امعايا صقع انا! رجل الامن: كان ردت علينا بنغازي بمعلومات وافية يبقى تربح طريقك زينة زناحة: كان المعلومات ناقصة؟! رجل الامن: ساعتها في اجراءات ضرورية لازم تتخذ باقصى سرعة ممكنة! |
مــــــــــــــــــــــــــــــــــــــــ الى م12ــــــــــــــــــــــــــــــــــــــــــــــــــــــــــــــــــزج
| م12 تابع م 12 | باركي مطار طرابلس/نهار زناحة مصدوما تتسع اللقطة فيظهر رجل الامن واقفا على راس زناحة مبتسما زناحة هازئا رجل الامن مستوقفا زناحة بيده وهو جاد زناحة هازئا مرة اخرى رجل الامن جادا زناحة غاضبا رجل الامن مبتسما هازئاجدا يشير بيده تتسع اللقطة فنكتشف ممرضين اثنين يحملان زناحة على باريلا يدفعانه الى داخل سيارة اسعاف نجاة تراقب بذهول | زناحة: شنو في ياعمو بالضبط؟! رجل الامن: للاسف جماعة بنغازي قالوا مافيش حد باسم زناحة في بنغازي كلها زناحة: اكيدة يارايس لان الاسم هظا اسم دلع ليا مش اسمي الحقيقي اسمي الحقيقي هوا رجل الامن: عارفه قريته في اوراقك برضوا قالو مافيش! زناحة: عادية انا اوراقي كلهن في بومريم ماعنديش و لا ورقة في بنغازي رجل الامن : موضوع اوراقك كله رجل الامن:انتهى سواء من بنغازي او ضواحيها تو اتجي المعلومات اللازمة في اسئلة اخرى تخصك اهم زناحة: و ياعمو الشرطي اسال تو انجاوبك نجاة: كنه زناحة عليش شايلينا في اسعاف؟! |
قــــــــــــــــــــــــــــــــــــــــــــــــــــــــــــــــــطـــــــــــــــــــــــــــــــــــــــــــــــــــــع
ملاحظة: 1.لقطة واسعة لطريق واسعة حديثة ثم– 2. لقطة لمستشفى كبيرة حديثة
| م13 تابع م13 | غرفة مراقبة لغرفة عمليات/نهار زناحة مفجوعا حوله مجموعة دكاترة رجل الامن يلقي باذنه لاالدكاترة زناحة مذهولا اكثر نجاة كذلك رجل الامن حائرا الدكتور مبتسما مطمئنا زناحة مرتعبا رجل الامن مادا يده لزناحة مبتسما زناحة مبتسما شارحا رجل الامن مبتسما زناحة غاضبا جدا نجاة متفاجئة رجل الامن ضاحكا يدخل المصور محمد ياخذه زناحة بيده ويخرج به مسرعا الاخرين مذهولين | دكتور: لا بسيطة نحنا شكلنا لجنة كاملة فحصت الاستاذ زناحة ولان الحالة معقدة شوية تواصلنا عبر النت مع عدة لجان عالمية وتوصلنا الى ان الحالة نادرة جدا نسبتها بنادم واحد من كل مليون ابنادم رجل الامن : بس الالات عليش صفرن؟! الدكتور: لا عادية جدا يافندي صفرن لان شعر زناحة مليان حديد ومعادن وهذي تفسيرها بسيط ثلاث احتمالات بس: يا جدودا كان مقاتلين عايشين مع البنادق والحديد والرصاص يا الدكتور:ياكلوا في التفاح واجد ياهو يحب الشكشوكة واجد عموما خلونا الجثة وتو نحددوا السبب بدقة زناحة: جثة شنو ياعمو رجل الامن:خلاص تم الموضوع يازناحة شني قتلي معناها؟ زناحة: بالطرابلسي كاريسا رجل الامن: يااخ زناحة طرابلس ترحب بيك دونك الهد زناحة: شي منيش متحرك من هن نين اتجيبلي الصوار اللي قعد يطرشق فيا بالصور بدري رجل الامن: قاعد عندي مسكين هظا شغله هكي يصور الاخبار اللفتة هظا مصور صحفي تو انجيبه يعتذرلك عالاحراج تعال يامحمد زناحة: اطلقوا بيناتنا في كلمة سر بيني و بينا |
قــــــــــــــــــــــــــــــــــــــــــــــــــــــــــــــــــــطـــــــــــــــــــــــــــــــــــــــــــــــــع
نـــــــــــــهــــــــــــــــــــــــــــايــة الفــــــــــــــــصـــــــــــــــل الـــــــــــثانـــــــــــي.
الفصـــــــــــــــــــــــــــل الثـــــــــــــــــــالـــــــــــــــــــــــــــــث:
| م14 | الساحة الخضراء في طرابلس عند السرايا/نهار زناحة راكبا عربة كروسة مع نجاة واولاده وهم مبتسمين فرحين لقطات للعربة وهم يتنزهون بها في ارجاء طرابلس زووم ان وجه نجاة المتسائل مقتربا من اذن زناحة زناحة هازئا ينظر اليهما زناحة متفاجئا بدر متحمسا كاريسا اكثر يشير كاريسا الى سوق"مول ضخم" زناحة مبتسما نجاة مذهولة | الراوي: تم عمك زناحة العرس وتما يدهور في طرابلس و نجاة: راك تكمل فلوسك نقعدوا محرجين امعا الناس زناحة: مش شورك شوري اطلعي من الموضوع هظا بدر و كاريسا: باتي باتي زناحة: كنكم شنو في؟! كاريسا: المول هظا ياباتي زناحة: هجوم عدولا تو نجاة :هجوم ايسمى؟! |
قــــــــــــــــــــــــــــــــــــــــــــــــــــــــــــــطــــــــــــــــــــــــــــــــــــــــــــــــــــــع
| م15 | قدام مول/نهار ثم ليل العربة واقفة امام المول ينزل زناحة ونجاة والعيال ويدخلونالى المول العربة لوحدها حل الليل خرج زناحة ونجاة والعيال ايديهم ممتلئة اكياس مبيعات كبيرة زووم نجاة مذهولة زناحة ساخرا بدر وكاريسا متحمسين معا | نجاة: هظا كله و فلوسك ما زالن ما كملنش؟! زناحة : ما اتعبيش روحك مش قايلك توا على الفلوس منين جبتهن بعدين بدر: باتي العشاء |
مـــــــــــــــــــــــــــــــــــــــــــــــ الى م 16ـــــــــــــــــــــــــــــــــــــــــــــــــــــــــزج
| م16 | حديقة كبيرة مقابلة لفندق الكبير/ليل عدد من الناس في الحديقة زناحة وعائلته يفترشون الارض ياكلون زناحة مقهقها نجاة هازئة زناحة هازئا يقف زناحة مسرعا نجاة مصدومة زناحة واقفا مع بنت تشبه ارقية المدرسة في"ح13" البنت غاضبة زناحة مبتسما البنت باستغراب زناحة جادا؟ البنت مذهولة غاضبة | زناحة: هذين فلوس الجريدة اللي يشتغل فيها العيل المصور اول مقلتلا ضريتوني فضيحة اندير محكمة كلم الجريدة قالولي خوذ اللي تبيها وفكنا سادنا القضايا اللي عندنا نجاة: قالولك هبلة انا نصدق يعطوك فلوس هك زايدات عندهم والا شنو؟! زناحة: انتي حرة بتصدقي باهي.. ا ا ارقية نجاة: اين ارقية تعال هنا عيب! البنت: انا ماسماياش ارقية كنك لاباس تحرج فيا قدام اماليا؟! زناحة: تعرفي اديري الغريبة ؟ البنت: شني ؟!مافهمتش عاود شني اللي قلته؟! زناحة: قتلك انا بنغزي من بنغازي نبي نتقدملك اتوافقي البنت: اني عاود عاود شني قلت؟! |
نــــــــــــــــــــــــــــــــــــــهــــــــــــــــــــاية الحـــــــــــــــــــــلقـــــــــــــــــة24
